EICH LLETY

Mae campysau yng Nghaerdydd ac o’i amgylch, felly gallwch brofi’r amrywiaeth sydd ar gael yn ne Cymru – bwrlwm y dinasoedd, harddwch yr arfordir, a llonyddwch cefn gwlad. Dewiswch fyw yng Nghasnewydd, Pontypridd neu Gaerdydd.

Mae PDC Pontypridd wedi’i hamgylchynu gan fryniau gwyrdd gyda mynediad hawdd i Barc Cenedlaethol Bannau Brycheiniog godidog. Yma, cewch le i ganolbwyntio a gorwelion i’w darganfod. Mae cymuned amrywiol a chyfeillgar yn ganolog i’n campws ym Mhontypridd. Yma, fe welwch chi bopeth sydd ei angen arnoch. Mae neuaddau ar y campws yn rhan fawr o’r awyrgylch cymunedol y mae ein myfyrwyr yn ei garu gymaint.

Mae Casnewydd yn ddinas annibynnol, amlddiwylliannol sy’n llawn syniadau a chyfleoedd. Yng nghanol Casnewydd fe welwch chi hefyd adfywio marchnad dan do fwyaf Ewrop, lle gallwch ddarganfod y cwrt bwyd, siopa gyda stondinau annibynnol, a manteisio ar y lle busnes a gwaith sydd ar gael. Mae ein campws modern ar lan yr afon, yn gartref i gymuned ddysgu sydd wedi ymrwymo i wella bywydau pobl.

Mae campws Caerdydd yng nghanol creadigol y brifddinas. Mae Caerdydd yn brifddinas fodern ac amlddiwylliannol a fydd yn eich synnu. Mae rhywbeth yn digwydd o hyd neu leoedd newydd i’w darganfod. Mae llawer o fyfyrwyr PDC yn dewis byw yng Nghaerdydd hyd yn oed os byddan nhw’n astudio rhywle arall oherwydd y cysylltedd rhwydd rhwng campysau. Mae’n enwog am fod yn ddinas diwylliant ac adloniant – ac yn ddinas bwysig sy’n gwybod sut i fwynhau ei hun i fyfyrwyr.

BETH SYDD WEDI’I GYNNWYS?

Mae ystafelloedd gwely neuaddau yn cynnwys gwely, cwpwrdd dillad, cwpwrdd storio, cadair, desg a mynediad i’r rhyngrwyd. Rhennir ceginau ac maen nhw’n cynnwys microdon, cwcer, toster, tegell, oergell a rhewgell, ac mae cyfleusterau golchi dillad ar gael ym mhob llety.

SUT DYRENNIR YSTAFELLOEDD?

Byddwch chi’n derbyn cadarnhad o’ch llety drwy e-bost pan fydd eich lle yn PDC wedi’i gadarnhau yn ddiamod (ac rydych chi’n gymwys i gofrestru ar eich cwrs). I’r rhan fwyaf o fyfyrwyr, bydd hyn ar ôl i ganlyniadau arholiad gael eu cyhoeddi yn yr haf. Bydd angen cais fisa dilys ar fyfyrwyr rhyngwladol hefyd.

BETH YW COST NEUADDAU PRESWYL?

I gael gwybod am ein costau ar gyfer gwahanol fathau o lety, defnyddiwch y botwm isod i weld ein tabl costau diweddaraf.

Rydym ni yma i helpu

Efallai fod dewis rhywle i fyw yn ymddangos yn frawychus ac mae’n debyg bod gennych lawer o gwestiynau am opsiynau llety, cost llety myfyrwyr a sut i wneud cais am lety myfyrwyr.

Mae ein llety ar hyd a lled de Cymru yn hygyrch, fforddiadwy ac yn cynnwys popeth sydd ei angen arnoch i ymgartrefu mewn lleoliad newydd a dechrau eich taith fel myfyriwr. Wyddoch chi y gallwch ddychwelyd i lety myfyrwyr yn eich ail a thrydedd blwyddyn o astudio hefyd?

Os oes gennych unrhyw gwestiynau eraill nad ydyn nhw wedi’u rhestru, ffoniwch ni ar 01443 482845 neu gallwch anfon e-bost i accom@southwales.ac.uk a bydd ein tîm llety yn cysylltu â chi.

Llety Preifat

Dewch o hyd i’n tai, fflatiau a llety myfyrwyr preifat cymeradwy drwy ddefnyddio ein cyfleuster chwilio am lety preifat.

Rydym wedi sicrhau bod yr holl eiddo hyn wedi’u trwyddedu a’u hachredu’n gywir. Hefyd, mae gennym lawer o wybodaeth a chyngor ar rentu trwy asiantaethau gosod eiddo.