Ynglŷn â’r Cwrs

Mae’r radd Saesneg ac Ysgrifennu Creadigol ddeinamig hon yn cyfuno astudio ysgrifennu creadigol a phroffesiynol gydag ystod o fodiwlau cyflenwol sy’n archwilio iaith a llenyddiaeth Saesneg.  Mae’r radd yn ymgorffori hyfforddiant a phrofiad o ddefnyddiau Saesneg yn y gymuned a’r gweithle: gyda chyfleoedd megis cynnal gweithdai ysgrifennu ar gyfer lles, hyfforddiant yn y cyfryngau a sgiliau cynhyrchu, ennill profiad addysgu, cydweithio â’r diwydiannau creadigol a chyhoeddwyr.

O Shakespeare i lenyddiaeth troseddau modern a ffantasi, mae ein gradd Saesneg yn gwella sgiliau allweddol trosglwyddadwy megis mynegiant, meddwl beirniadol ac ysgrifennu. Nid dim ond ysgrifennu ffuglen y mae myfyrwyr Ysgrifennu Creadigol yn ei ddysgu, maen nhw hefyd yn ymarfer blogio, cyfryngau digidol, ysgrifennu copi a chyfnodolion teithio, gan ddysgu sut i greu cynnwys digidol effeithiol y gellir ei gyhoeddi a’i werthu.

Ochr yn ochr â datblygu eich sgiliau mewn ysgrifennu ffuglen, barddoniaeth, ysgrifennu sgriptiau a ffeithiol, byddwch yn ennill sgiliau arbenigol mewn dadansoddi a darllen agos. Mae datblygu’r sgiliau hyn yn golygu y byddwch yn barod ar gyfer y gweithle pan fyddwch yn graddio.Mae yna hefyd lawer o gyfleoedd i weithio ar leoliadau a phrosiectau i gefnogi eich gyrfa yn y dyfodol.