GYRFAOEDD MOR AMRYWIOL Â’CH SGILIAU

Rydym yn gwybod bod graddedigion amryddawn yn mynd ymhellach, felly mae ein cyrsiau’n eich paratoi chi am unrhyw beth, gydag addysgu arloesol sy’n eich galluogi i astudio’r meddwl wrth agor eich un chi i ystod eang o ragolygon gyrfa.

Mae ein cynllun Seicoleg a Mwy yn cynnig profiad clinigol yn ein clinig ar y campws, cyrsiau byr arbenigol, tystysgrifau proffesiynol a lleoliadau gwaith i wella’ch sgiliau a’ch rhagolygon gyrfa. Mae’r holl gyfleoedd hyn ar gael heb unrhyw gost ychwanegol – ein nod yw ychwanegu gwerth i’ch addysg yn PDC. Gallwch wella eich sgiliau a’ch sylfaen gwybodaeth er mwyn cael mantais gystadleuol yn y farchnad swyddi i raddedigion neu wrth wneud cais am astudiaeth bellach.

GRADDEDIGION SY’N CAEL SYLW

Gan fod cyrff diwydiant fel Cymdeithas Seicolegol Prydain yn cefnogi llawer o’n cyrsiau, mae eich gradd yn dod â chydnabyddiaeth barod, gan fynd ag enwau ein myfyrwyr i frig rhestrau cyflogwyr.

Mae’r holl graddau Seicoleg israddedig, heblaw am y cwrs Datblygiad Plentyndod (a Datblygiad Plentyndod gyda Blwyddyn Sylfaen), wedi’u hachredu gan Gymdeithas Seicolegol Prydain (BPS). Golyga hyn fod graddedigion sydd â 2:2 neu uwch yn gymwys ar gyfer Sail Graddedigion ar gyfer Aelodaeth – sef y cam cyntaf at ddod yn seicolegydd proffesiynol sydd wedi cymhwyso’n llawn.

Mae ein staff academaidd yn ymwneud ag ymchwil, felly byddwch yn cael eich addysgu gan staff sydd ar flaen y gad yn eu meysydd arbenigol hefyd. Mae’r tiwtoriaid yn arbenigo mewn amrywiaeth o feysydd, gan gynnwys anhwylderau datblygiadol ar draws y cyfnod bywyd, ymddygiad iechyd a seicoleg chwaraeon.

Cyfleusterau arbenigol i bweru eich rhagolygon

Mae PDC yn gartref i ystod o gyfleusterau seicoleg rhagorol sy’n amhrisiadwy o ran ein helpu i ddeall ymddygiad dynol.

Mae gennym labordai seicoleg pwrpasol lle gallwch ddatblygu eich sgiliau seicoleg ymarferol, offer olrhain llygaid, peiriannau electro-enseffalograffeg (EEG) a systemau BIOPAC. Mae yna hefyd ystafelloedd cyfweld ac arsylwi y gallwch eu defnyddio i gynnal arbrofion a phrofion.