Roedd 90% o’n myfyrwyr BA (Anrh) Cynhyrchu Cerddoriaeth yn fodlon gyda’u cwrs.

YR AROLWG CENEDLAETHOL O FYFYRWYR 2024

CAERDYDD: DINAS GERDDORIAETH

Mae Caerdydd yn enwog am gerddoriaeth a byddwch yn astudio yng nghanol y ddinas. Yn 2019 cafodd ei henwi’n swyddogol yn Ddinas Gerddoriaeth – y gyntaf o’i math yn y DU. Mae’r statws newydd hwn eisoes wedi helpu i ddatblygu byd cerddoriaeth Caerdydd a hybu proffil rhyngwladol y ddinas.

Mae’r ddinas yn cynnig llawer o gyfleoedd profiad gwaith, cydweithredu ar brosiectau a briffiau byw gyda’r diwydiant. Mae ein myfyrwyr eisoes yn rhan bwysig o ddiwylliant cerddoriaeth bywiog Caerdydd gyda nifer o fusnesau newydd llwyddiannus yn y diwydiant ac artistiaid yn deillio o PDC.

Mae cyflogadwyedd yn ganolog i’n cenhadaeth, felly byddwn yn eich annog i ennill profiad o’r cychwyn cyntaf a datblygu eich CV. Erbyn i chi raddio, bydd gennych y sgiliau ar gyfer ystod eang o lwybrau yn y diwydiannau cerddoriaeth, cyfryngau ac adloniant.

YMDROCHWCH MEWN CERDDORIAETH

Rydym yn cefnogi’n myfyrwyr i deimlo’n rhan o’r diwydiant cerddoriaeth, fel gweithwyr proffesiynol, perfformwyr a chynhyrchwyr. Mae ein myfyrwyr yn cynnal Gŵyl Gerddoriaeth Trochi! flynyddol, gan arwain yr holl waith rheoli’r digwyddiad, gan gynnwys tocynnau, rheoli artistiaid, marchnata a gwerthiannau.

Mae’r prosiect trochi wedi ei gynnal ers pum mlynedd ac mae’n cynnwys cydweithredu dwys â rhanddeiliaid lluosog, gan gynnwys disgyblaethau trawsbynciol, dilynwyr cerddoriaeth, lleoliadau masnachol, elusennau, cyrff proffesiynol, asiantau tocynnau, artistiaid, cymunedau, gwneuthurwyr polisi a thechnegwyr. Mae’r ŵyl wedi esblygu o raglen sy’n cynnwys bandiau myfyrwyr yn bennaf, i brif artistiaid aml-blatinwm ac enillwyr gwobr Ivor Novello fel Richard Ashcroft, Peter Doherty, Tom Greenham, Bob Vylan, Bad Sounds a Bang Bang Romeo, sy’n llenwi lleoliad canol dinas â 1000 o bobl, Tramshed gan godi miloedd at achosion elusennol.

CYDWEITHREDU DIWYDIANNOL A CHYFLEUSTERAU PROFFESIYNOL

Mae Cerddoriaeth a Sain yn PDC yn darparu cyfleoedd byd go iawn, addysg a rhwydweithiau i’ch paratoi ar gyfer gyrfa lwyddiannus yn y diwydiant cerddoriaeth. Mae’r holl fyfyrwyr yn gweithio ar brosiectau byw a chystadlaethau, wedi’u cefnogi gan ymweliadau â’r diwydiant, gan gynnwys â stiwdios recordio a lleoliadau lleol. Mae cydweithredu â phartneriaid diwydiant yn ganolog i’n cyrsiau, ac mae partneriaethau presennol yn cynnwys Banc NatWest, Orchard Media, Music Managers Forum, BBC Horizons, Libertino Records Warner Music, Longwave Studio, Music Declares Emergency, Boomtown a Gŵyl Sŵn a llawer mwy.

Ar y campws bydd gennych fynediad i gymysgedd o offer digidol ac analog sydd ymysg y gorau mewn prifysgol yn y DU. Mae gennym gyfleusterau rhagorol, gan gynnwys naw stiwdio recordio o safon diwydiant gydag ystafelloedd byw a rheoli, ynghyd â mannau ymarfer ar wahân ac ystod o fannau perfformio byw. Byddwch yn creu ac yn cydweithredu i ennill yr ystod o sgiliau sydd eu hangen arnoch i weithio yn y diwydiant cerddoriaeth.

Yn PDC, gall myfyrwyr perfformio cerddoriaeth gynhyrchu cerddoriaeth yn broffesiynol a sicrhau ei bod ar gael yn fasnachol trwy ein samplwr ‘Creu’ finyl.